როგორც იქნა დაიწყო და დამთავრდა თბილისის მოდის კვირეული. ქართულმა მოდამ კიდევ ერთხელ იზეიმა. დიზაინერებმა წარმოადგინეს ახალი კოლექციები, რომლებიც თითქმის არ განსხვავდებოდა იმისგან, რაც წინა, იმის წინა, იმის წინის წინა, იმის წინის წინის წინა კოლექციებზე გააკეთეს. თუმცა, ამაზე უფრო ვრცლად მომდევნო პოსტებში ვისაუბრებ. ახლა მინდა თქვენი ყურადღება თბილისის მოდის კვირეულის სტუმართა ჩაცმულობაზე შევაჩერო.
პუბლიკა იყო სრულიად გამოტრენდებული – ჩიტის ბუდის ვარცხნილობიდან დაწყებული, მოხდილი ფეხსაცმლის ცხვირიდან თითების გამოტყლარწვით დამთავრებული, ბოლომდე გაჟღენთილი გლამურსა და კუწურში. დიდი სურვილი გამიჩნდა, ჩავიცვა ის ყველაფერი, რაც მოდაში არ არის. ყველაფერი, რაც არათრენდულად ითვლება.
თავშივე დავსძენ, რომ მე მოდაში უკვე არაფერი აღარ გამეგება, მეტიც – არ მესმის, ვერ ვგუობ და ფიზიკურად შევიგრძნობ იმ ტკივილს, რასაც მიტოვებს ჩვენი მოდური ხალხის ყურება.
გლამური და მოდა შემოვარდა ჩვენს ქუჩებში და წალეკა ყველაფერი, ისევე როგორც ცოტა ხნის წინ მოვარდნილმა წყალმა: უკან დასახევ გზას არ გიტოვებს, გადაგივლის, მოგცელავს და რაც უფრო უცნაურად და შეუხამებლად გაცვია, მით უფრო სასურველი სტუმარი ხარ მოდურ ბლოგებსა თუ ჩვენებებზე. დავათვალიერეთ რა ფოტოები, გამოვიტანეთ ასეთი აზრი: თბილისის ნაღებ საზოგადოებაში მოდაშია პროფესიონალური ფოტოაპარატები, ორთოპედიული პრობლემების მაჩვენებელი დგომა, კათარზისის ღიმილი, პიჟამასთაილი, კაცები ქვედაბოლოებსა და კაბებში, სამურაის ან კათოლიკე მღვდლის ფორმა და თუკი რამე ახალი თრენდი არსებობს მთელ სამყაროსა და გალაქტიკაში, ყველაფერი ერთად, ერთ სხეულზე, ისე რომ შენ კი არ ატარო სამოსი, არამედ პირიქით, სამოსმა გატაროს და მოგიცავს შენ.
KEEP IT SIMPLE! ეს სიტყვები ქართველი ფეშენისტებისთვის უცნობია. მაშ ასე, ადგილობრივი წარმოების Betsey Johnson, ანუ აი ძალიან (ალბათ აქ გაწელილი აააა უნდა დამეწერა, ან უძალიანესად) ინტელექტუალ და კონცეპტუალურ და პიზდეც ცნობიერების ნაკად დიზაინერად რომ ითვლება ის. არ ვიცი, მემგონი შუახნის კრიზისი აქვს. This is not funny. 
მადონას frozen-ის მოტივებზე, ჟორჟ ჟეი ბი. ყოველ შემთხვევაში, თვითონ ასე უწოდებს საკუთარ თავს. ასე უფღო ფღანგულად ჟღეღს ალბათ. რამდენიმე დღის წინ მისი ინტერვიუ მოვისმინე, სადაც ამბობს რომ მას ცოტა ინდივიდუალური გემოვნება აქვს და შესაბამისად ყველაფერი ვერ მოეწონება.
ჩვენი ინფორმაციით, “საიუზმულტფილმმა” ჟეი ბი–ს шапокляк – ის როლი შესთავაზა ამ ფოტოების ხილვის შემდეგ.
რა იმალება ნიღბის ქვეშ
ექსკლუზიური მასალა, როგორ გამოიყურება მოხუცი ჯეიბი
სამურაი თბილისის ფეშენ ვიკზე
არა, უნდა ვაღიარო რომ გამორჩეული იყო ეს ფეშენ ვიკი, ამდენ ცნობილ პერსონაჟს სხვაგან სად ვნახავდით?! თვით მორტიცია ადამსი!
ამ ადამიანმა პარიზის ფეშენ საზოგადოება საკუთარი ჩაცმულობით გააოცა, მოდური ჟურნალები თუ ბლოგები ხშირად წერენ მასზე. ჰოდა თბილისის ფეშენ ვიკზე ჩვენ გაგვაოცა… ცუდი ჩაცმულობით. არ მესმის, რა საჭიროა ყველანაირი ტრენდის ატაცება, თუ საბოლოოდ იმ ბავშვს დაემსგავსები, რომელიც 2 წუთია რაც ლოგინიდან გამოძვრა.
მეზობლის ბავშვი. ყველაზე ორიგინალურეს ტიტული თუ ვერ მოიპოვე, გული არ დაგწყდეს, ერთ–ერთი მათგანი უეჭველად გახდები. ვაჰ, რა ჭკვიანური მიგნებაა ქურთუკის მკლავების ჩაჭრა, სულ სხვა იერს აძლევს რა
როგორც დიდი ფეშენოლოგები იტყოდნენ ოდნავ გაწელილი,ოდნავ კუწურიული და რაღაცნაირი ტონით, მეორე “ობრაზი”. აქვე უნდა აღინიშნოს რომ მთელი ჩემი ცხიმიანი გულით მეზიზღება დაპრუწული ტუჩებიდან გამომარცვლული ეს სიტყვა.
ამ გოგონებმა, როგორც ჩანს წინამოები (ე.წ ჩოლკა) ერთ ცალხელა სტილისტთან დაიყენეს
არც კი ვიცი რა ვთქვა! ეს გოგო მოდაზე წერს. ასეთი აჯაფსანდალი კაი ხანია არ მინახავს, თავისუფალ გაშვებულ ქვედაბოლზე გადმოშვებული ასიმეტრიული თავისუფალი პერანგი, კარგი რა?! ალა პუგაჩოვას სერიოზულ ფორას მისცემს
შარვალი კი ვიცანი ეგრევე, მაგრამ აი ბლუზონი მეცნობა, მეცნობა, საიდან… მერე გამახსენდა რომ ბევრჯერ მინახავს მსგავსი სავარძლის გადასაფარებელი. ნატუკა, მსუქანი ფეშენმაზერი იმედგაცრუებულია.
როგორ არ მობეზრდა თაკო ჩხეიძეს გაურკვეველი ჯამფსუითები. ეს არის ვარიაციები თემაზე ხინკალი
ბიჭოლას უყურადღებოდ რომ არ დავტოვებთ, ამაზე ორი აზრი არა არის! ბიჭოლა კვლავ გვაოცებს თავისი აჩეჩორებით და სხეულის საოცრად პროპორციული სიმრგვალით.
нам ещё расти, расти 
საყვარელია, არა? ♥
დაბოლოს, ვთვლი, რომ რედ ბული არ უნდა ყოფილიყო ამ ჩვენების სპონსორი (თუ არც იყო?!), ამ საოცარი ფანტაზიის და გაქანების ხალხს მოუვიდა ოვვერდოზი და ისინი მართლა შეფრთიანებულები ჩანდნენ პირდაპირი თუ გადატანითი მნიშვნელობით.
ამიტომ, გავისუსოთ და ჩასაფრებულები დაველოდოთ შემდეგ ჩვენებას, დარწმუნებული ვარ უკვე იპოხავენ ბუმბულს, აკა პეროს
აქვე დავძენ, პოსტი დაწერილია შურიანი და ბოღმა ფეშენმაზერის მიერ და შეხსენებას აზრი არ აქვს – ეს უკვე ყველამ ვიცით!
თბილისის მოდის კვირეულის ფოტოები აღებულია ლიგ სტუდიოს ფესბუქის გვერდიდან
