როგორ არ ვგავდეთ პანდას ზღვაზე


საზღვაო სეზონი დადგა, გასარუჯად მიგეჩქარება და ამიტომ თვლი, რომ იდეალურად უნდა გამოიყურებოდე. მესმის შენი, მაგრამ უამრავი სხვა გოგოსავით გრიმწათხაპნილი ნუ ივლი კურორტზე და მითუმეტეს, პლაჟზე.

ერთ საიდუმლოს გაგიმხელ: არცერთ ბიჭს არ უყვარს მკვეთრგრიმიანი გოგო – გაშპაკლულებს ეძახიან 😉

პირადად ჩემთვის ყველაზე დიდი დისკომფორტი სწორედ გრიმია, მაგრამ ვიცნობ ბევრს, ვისაც ამ ჩვეულების უკუგდება უჭირს; ამიტომ გადავწყვიტე დავწერო, როგორ არ გავდე პანდას ტუშ-ფანქარ ჩამოდღაბნილი.

სახის შეღებვა პლაჟისთვის იწყება და მთავრდება აუცილებლად წყალგამძლე ტუშით. თუ ღია ფერის ხარ, უკეთესია, ყავისფერი იხმარო, თუ მუქი – შავი ფერის.

მხოლოდ ზედა წამწამზე წაისვი, ქვედას თავი დაანებე!

Continue reading

Advertisements

ბიჭოლა ♥ ანუ ზომბილენდი – ზღაპარი ქართულ ელიტაზე. chapter II


იყო და არა იყო რა, კოკო შანელზე უკეთესი ვინ იქნებოდა, (ყოველ შემთხვევაში, იმ სფეროში რასაც ახლა შევეხებით) იყო პატარა ანზორი.
ამ ანზორს არაფერი ჰქონდა საერთო იმ “დიდ” ანზორთან, რომელსაც ყვავილები უყვარდა და ახლა ციხეში “ნადზორი” უყურებს (ხალხური “ფოლკლორიდან”: ”შენ ყვავილები გიყვარდა, ანზორი. ახლა ციხეში გიყურებს ნადზორი”).
თუმცა, შეიძლება ჩვენს პატარა ანზორს კიდევაც უყვარდა ყვავილები, რადგან მისი დახვეწილი სული იმთავითვე მიდრეკილი იყო მშვენიერების შექმნისკენ.
10-11 წლის იყო ჩვენი ანზორი, როდესაც მისი პირველი სამოსი საკუთარ თოჯინას მოარგო და ეს საქმიანობა მის ჰობიდ იქცა.
მახსოვს, ერთხელ ტელევიზორშიც გაიბრწყინა და ვიღაცამ დიდი მომავალიც უწინასწარმეტყველა.
გამოხდა ხანი, მას შემდეგ მრავალმა წელმა და კუწურიემ ჩაიცქვიტინა. ქართულმა მოდამ ნახა დაცემაც და აღზევებაც, თვით ზალიკო ბერგერიც კი ნახა!!! მაგრამ… იყო რაღაც რის გარეშეც პოდიუმს პეწი და სვეცკი ტუსოვკებს განსაკუთრებული ნათება აკლდა!

სიხარულისგან დავიწყებული მაქვს  ის პირველი დღე და წამი, პატარა თოჯინიანი ანზორიკოს ნაცვლად ყველგან, ტელეეკრანებზე, ჟურნალ-გაზეთებში, ყველგან სადაც თვალი გაგვექცეოდა ამბიციური, ექსტრავაგანტული და მყვირალა ბიჭოლა მოგვევლინა. საზოგადოება, მედია, მდიდარი, ღარიბი, სვეტი, გოიმი, საყოველთაო ორგაზმმა მოიცვა!!! ბიჭოლა კი რისი ბიჭოლა იყო, რომ  ჩვენთვის ეს სიამოვნება მოეკლო ❤

Continue reading

მანიკიური 2011-ში.


წელს მოდაშია ხასხასა ფერები და ეს ეხება მანიკიურ/პედიკიურსაც. წითელ ხალიჩაზე ვარსკვლავებმა მანიკურის ფერთა ფართო გამა შემოგვთავაზეს შავიდან დაწყებული და თითო თითზე სხვადასხვა ფერით დამთავრებული.
რა თქმა უნდა უკეთესი იქნება, თუ ბრმად არ ავიტაცებთ ამ ტენდენციას და მაინც სამოსთან და საკუთარ გემოვნებასთან შეხამებით შევარჩევთ ფრჩხილის ლაქს.

Continue reading

შაფათდილის წამიერი ტკივილები



დღეს შაბათია და ყველა წესიერსამსახურში მომუშავე ადამიანი ისვენებს. ფიქრის დრო ბევრია… გასახსენებელი კიდევ უფრო მეტი… დრო იყო ჩვენი ესტრადა იფურჩქნებოდა და ყვაოდა. საკმარისი იყო, 200 დოლარი სიმღერის ჩასაწერად და რაც იქიდან მოგრჩებოდა იმ ფულით კლიპის გადაღება, (თუნდაც ბევრმეგაპიქსელიანი მობილურით) რომ მეორე დღეს უკვე სხვანაირი შარავანდედით გამოდიოდი ქუჩაში!

გულს უხაროდა, სული მღეროდა! ჩართავდი სტერეოს (თუ მაშინ მაესტრო იყო) გადართავდი “ევრიკაზე” და რომელი ერთი, რომელი ერთი!!!

შაბათობით იმ ადამიანებს გავიხსენებთ,  ვისი ვარსკვლვიც ქართული ესტრადის გალაქტიკაზე ნაადრევად ჩაქრა და იმის იმედით, რომ მათი ხმაურიანი და გრანდიოზული დაბრუნების მოწმეები გავხდებით, ერთ-ორ “სმეშნოი” სიტყვასაც ვიტყვით!!!

თამთა გოგუაძე.

ტრიუმფალური იყო მისი გამოჩენა. ჯერ მხოლოდ იმიჯი რად ღირდა! გაოგნებული (სხვაგან მოვხვდი) სახე და მორცხვი ხმა. (გასაგებია რატომაც)

შეუძლებელია, არ გვახსოვდეს პატარა გოგოს და პატარა ბიჭის სიყვარულის ისტორია.

იზრდებოდა თამთა, სახის გამომეტყველება არ ეცვლებოდა, თუმცა კლიპებს უკვე კამერით იღებდა.

Continue reading

ზომბილენდი – ზღაპარი ქართულ ელიტაზე. chapter I


იყო და არა იყო რა, ღვთის უკეთესი რა იქნებოდა. იყო ერთი ქალაქი თბილისი, ავტოზაგრითა და ბომონდით გაჯერებული, “ყველაზე გემოვნებიანებით” და “ყველაზე საყვარლებით” სავსე (პრინციპში, ამ “ყველაზეების” ჩამოთვლა უსასრულოდ შეიძლება, გულზე ხელი დავიდოთ და ვაღიაროთ, ვის არ გაუხარდება, “ყველაზე დერსკები” ფრენდ რიქვესთს რომ გამოგიგზავნის და მის ფოტო ალბომში, საკუთარ ფოტოს წააწყდები?! ♥) აქ წვიმასაც შანელის არომატი დაჰკრავდა (ციდან ნინო ჩხეიძეები ცვიოდა) ხოლო ქარი, გლამურით დაბრმავებულ ელიტას, მტვრის ნაცვლად, თვალებში, გერლენის ფერუმარილს აყრიდა! ერთი სიტყვით, ცხოვრება თბილისში იყო საამური.
ჩვენი ელიტა, რომ დახვეწილი გემოვნებით გამოირჩევა, მგონი სიახლე არაა. ხოლო მათთვის, ვისაც ჭეშმარიტი გლამურის მომჟავო-მოტკბო (მჟავე კიტრი ფაქტიურად) გემო არ უგრძვნია, მინდა პანდორას ყუთი გავხსნა.
სანამ თავით უფსკრულში გადავეშვებოდეთ, არ შემიძლია ეს ფოტო არ გაჩვენოთ. გაიხსენეთ გზისპირა პატარა “კაფეები” მგზავრებისთვის და მძღოლებისთვის რომაა შექმნილი, იქაური პატარა მაგიდები და მაგიდაზე თეთრი “სტოლსაფარი” სწორედ ის “სტოლსაფარი” არის გამოყენებული ამ კაბის შექმნისას! ეძებეთ ტყემლისა და აჯიკის ლაქები!
Continue reading

Wellington Boots – ინგლისური სიტყვებია და ქართულად აუცილებლად წვიმაში ჩასაცვამ ფეხსაცმელს ნიშნავს!


“ბოტი” იგივე “ველინგტონი” (Wellington boot, rubber-boots, wellies, topboots, billy-boots, gumboots, gummies, barnboots, wellieboots, muckboots or rainboots) ასოცირდება ველინგტონის პირველ ჰერცოგ, არტურ ველსლისთან (Arthur Wellesley). მან თავის ფეხსაცმლის მკერავს სთხოვა შეეკერა მე-18 საუკუნის სამხედრო ფეხსაცმელის მსგავსი ჩექმა ხბოს ტყავისაგან, რომელიც მალე გახდა ერთერთი ყველაზე მოდური აქსესური ჯენტლმენებისათვის. მას ცვილით პოხავდნენ, რათა უფრო წყალგამძლე ყოფილიყო. ის საკმაოდ დიდხანს იყო პოპულარული და მას შემდეგ რაც ჩარლზ გუდიარმა (1800-1860) მოიგონა რეზინის დამუშავების მეთოდები, (vulcanisation process) ამერიკელმა ბუკმეიკერებმა დაიწყეს ამ ფეხსაცმლის რეზინისგან დამზადება. შემდგომში მის წარმოებაზე პატენტი შეიძინა ერთერთმა ფრანგულმა კომპანიამ და საკმაოდ დიდი ფულიც იშოვა……

მოდით, შევეშვათ ისტორიას გადავიდეთ იმაზე რისი თქმაც მინდა რეალურად, ანუ ბოტების დღევანდელ დანიშნულებაზე.

დღესდღეობით ბოტები ერთერთი პოპულარული ფეხსაცმელია, ძირითადად მზადდება რეზინისგან. განკუთვნილია სველ, ბინძურ, ტალახიან ზედაპირებზე სასიარულოდ, მომხმარებლის წვიმისგან დასაცავად. აგრეთვე სხვადასხვა ინდუსტრიულ გარემოში როგორიცაა მაღაროები, ქიმიური თუ საჭმლის მწარმოებელი ქარხნები და ა.შ. გიკვირთ თუ რატომ გიხსნით ამას? არასოდეს გინახავთ პაპანაქება ზაფხულში, თაკარა მზის გულზე, გამომხარ ასფალტზე სარაფანასა და მუხლამდე ბოტებში გამოწყოობილი გოგონა? არც ოპერაში ,თეატრში და რესტორანში? ესეიგი თქვენ არასდროს გიცხოვრიათ საქართველოში. მართალია ნათქვამია, სილამაზე მსხვერპლს მოითხოვსო, მაგრამ არავის უთქვამს რომ ამ მსხვერპლს მაინცდამაინც ტერფის სოკოს სახე უნდა ჰქონდეს. ..

ლოგიკურად, აქ ტერფის სოკოთი დატანჯული ფეხების ფოტოები უნდა ყოფილიყო, მაგრამ არ იმსახურებს ეს ბლოგი ასე წაბილწვას, ისიც გვეყოფა, ზოგჯერ თბილისი ფეშენ ვიკის სურათების და ქართველი მოდელების პოზირებების გამოფენა რომ გვიწევს, ამიტომ, მხოლოდ ქამა სოკოთი შემოვიფარგლები.

Continue reading

Christian Louboutin Fall 2011 Lookbook by Peter Lippmann


Christian Louboutin- ფეხსაცმელის ფრანგი დიზაინერი, ნაცნობი აბსოლუტურად ყველასთვის, ვისაც ლამაზ და გემოვნებიან ფეხსაცმელზე უოცნებია მაინც..

მისი პირველი ხაზი  1991 წელს გამოვიდა პარიზში.

1992 წლიდან მისი სავიზიტო ბარათი წითელი ლაქირებული ლანჩა გახდა.

”ერთ დღეს შევხედე ჩემს შექმნილ ფეხსაცმელს და მივხვდი, რომ ენერგია აკლდა. ავიღე ფრჩხილის წითელი ლაქი და ლანჩა შევღებე, ეს ექსპერიმენტი ისეთი წარმატებული აღმოჩნდა, რომ ეს ელემენტი ჩემი ფეხსაცმელის განუყოფელი ნაწილი გახდა”- ამბობს დიზაინერი.

Continue reading