საშემოდგომო მუზა გამოძახებით

თბილისში უეცარმა აგრილებამ, გამახსენა რომ მალე შემოდგომა მოვა. ჰოდა საშემოდგომო სამზადისი, შემოდგომის დადგომამდე იწყება. შევეცდები გავიხსენო ყველაფერი რაც შემოდგომის გრილ დღეებს გაგვიხალისებს (ცხელი ჩაის, ვაშლის ღვეზელის და ა.შ გარდა :დ)

შემოდგომა ჟაკეტის გარეშე ვერ წარმომიდგენია, საშუალო სისქის, ოდნავ თავისუფალი, თბილი ფერის ჟაკეტი, შეიძლება ითქვას იდეალურია. მის შიგნით გემოვნების მიხედვით ნებისმიერი რამის ჩაცმა შეიძლება. ხშირად ქურთუკის ნაცვლადაც ვიყენებ.

პირადად მე, კუბოკრული პერანგების დიდი მოყვარული ვარ, ჯინსებზე (და არამხოლოდ) იდეალურია. ასევე ძალიან მომწონს და წელს საკმაოდ აქტუალურია ჯინსის პერანგი, რომელიც უმჯობესია განსხვავებული ფერის ჯინსებზე ჩავიცვათ ( თუ მაინც და მაინც ჯინსებზე ვიცვამთ :დ).

სადა,  ვიწრო, ან სწორი ჯინსი,  თითქმის ყველაფერს უხდება, ასე რომ ნამდვილად სარფიანი შენაძენია.

ჰო, ვიცი, ბევრი არ წყალობს “უთო” ფეხსაცმელს, თუმცა ბოლო რამდენიმე წელია, ასეთი სტილის ფეხსაცმელი, პოპულარობის ზენიტშია :დ ჰოდა ჩემი გრძნობებიც დათბა მის მიმართ. თანაც, ჩემი დაკვირვებით მსგავსი ფეხსაცმელს, ფეხს ძალიან ალამაზებს და აგრძელებს (ვიზუალურად რა თქმა უნდა :დ) + კომფორტულია და ყოველდღიურად მარტივია მისი გამოყენება. მეორე ვარიანტი არის ოქსფორდი, გარდა იმისა რომ ძალიან ლამაზია, ასევე საოცრად პრაქტიკულია, თამამდ ვიტყოდი რომ  ნებისმიერ ამინდში შეიძლება ჩაცმა და კაბიდან დაწყებული, ჯინსის შარვლით დამთავრებული, ყველაფერს უხდება.

ტევადი ჩანთა, “გადაიკიდე და წადი” ასე დავარქმევდი მე 🙂

ყუთ-ქლაჩი, ხშირად არის მომენტები, როდესაც სადმე მიდიხარ და ერთადერთი რისი წაღებაც გჭირდება, მობილური ტელეფონი და ფულია. დიდი ჩანთის თრევა უაზრობაა, ჩვეულებრივი ქლაჩის ტარება  მეზარება ხოლმე. ასეთი სტილის ქლაჩი, პატარაა და ხელში ძალიან მარტივად გიჭირავს, არ გაწუხებს 🙂 მოკლედ, ერთი მაინც უნდა გქონდეს.

სამაჯურები ძალიან მიყვარს, ვინაიდან შემდგომაზე ძირითადად გრძელსახელოებიანი ტანსაცმელი გვაცვია, უაზრობა მგონია მათი გაკეთება. ასე რომ ბეჭდებს და ყელსაბამებს მივეძალოთ. სამკაულები ჩაცმულობას მეტად საინტერესოს და ინდივიდუალურს ხდის.

მუქი ფერის ლაქი, ვფიქრობ შემოდგომას ძალიან უხდება, ფერადი და კვასკვასა ლაქი, ზაფხულში დავტოვოთ.

ჰო და კიდევ ერთი აუცილებელი რამ, ნატურალური ტუჩის ბალზამი, იმისათვის რომ ტუჩები არ გამოშრეს და ბედნიერად განაგრძონ ჩვენს სახეზე არსებობა.

იმედი მაქვს, ამ პოსტის წაკითხვის შემდეგ, საშემოდგომო მუზა გეწვევათ 🙂 სასიამოვნო და გრილ კვირას გისურვებთ ყველას. ♥