ქართული მოდა, ანუ რა აცვიათ ჯოჯოხეთში

რამდენიმე თვის წინ, ინტერნეტში ფრიად საინტერესო ფოტომასალას წავაწყდი. ფოტოებით გამოწვეული შოკი დღემდე გრძელდება და ალბათ დიდ ხანს გასტანს. კარგად მოემზადეთ, წინ დიდი სიამოვნება გელით.

ყავის ჭიქა მოვიდგი და დავფიქრდი, რომელი ერთით დავიწყო, მოდი, მაინც, ზალიკო ბერგერზე შევჩერდები. ის მრავალი წელია გემოვნებიანი კოლექციებით გვანებივრებს და მგონი, იმსახურებს ამ პატივს. ეს კაბა ჩემი აბსოლუტური ფავორიტია. ხაზს უსვამს მოდელის მშვენიერ სხეულს და დარწმუნებული ვარ, ნებისმიერი ქალი ამ კაბაში შეუდარებელად გამოჩნდება. პირველი ასოციაცია, რაც გამიჩნდა, ეს იყო საიქიოდან ახლადდაბრუნებული, მსუბუქად დარდიანი და ოდნავ განაწყენებული, მიცვალებული ქალის სული, რომელიც სიჩქარეში დიდი ბებიის კაბაში გამოეწყო. დარწმუნებული ვარ, საშინელებათა ფილმებში ასეთი პერსონაჟები ბევრჯერ გინახავთ. მთავარია კდემა შენარჩუნებულია (ყელზე და მაჯებზე სისხლი გაჩერებულია) და ამავდროულად ფარული სექსუალურობაც მოკრძალებულად გამოსჭვივის (კაბა წინ ოსტატურადაა ჩახსნილი) ერთი სიტყვით, ზალიკო თავის სიმაღლეზეა.

ატელიე 10ა ანუ- რამე ხომ უნდა შეგვეკერა?

უბრალოდ, არც კი მინდა წარმოვიდგინო, რამდენი ფიქრი დასჭირდათ ამ პროდუქტის მისაღებად!

ნუ ნიჭის დოზა ალბათ იგრძენით ხო?

უფრო ნიჭიერი, ანუკა ქებურია ♥ ანუკა ძირითადად აქსესუარებზე მუშაობს. ამიტომ ჩათვალა რომ მოდელებზე პარკის ჩამოცმა საუკეთესო და “ყველაზეეეეეეეე ორიგინალურიიიიიიიიიიიიი” გადაწყვეტილება იქნებოდა. ყველაფერს რომ თავი დავანებოთ, იაფია.

ეხლა ჩემი საყვარელი, ინტელექტუალური ნაწილი მოდის. ქართული მოდის ინტელიგენცია და მომავალი თაობა ♥

ამ შემთხვევაში დიზაინერმა ბევრი იფიქრა, თუ ცოტა იფიქრა, გადაწყვიტა რამე “ყველაზეეეეეე ძნნნნნნნნნნნნ სკანდალურიიიიიიი” გაეკეთებინა და ლოგიკურად (!) მოდელი ჯვარზე გააკრა. ვინ უყურებს კოსტუმს, როდესაც შინაარსია ასეთი ღრმა?!

იდეა სათავეს აქედან იღებს (კარგია რომ კომ დე გაღსონი გაუგიათ) მანამდე შაკო ნიკ(?)ყვამაც გაიგო.

თქვენ იფიქრეთ ამ ყველაფერზე (მეც ვიფიქრებ),  სამახსოვროდ კი გაბრაზებულ ინდაურს დაგიტოვებთ,იმედი მაქვს, ჩემსავით შეგიყვარდებათ. გაგრძელება, ალბათ იქნება.

ფოტოები (CDG-ის გარდა): Lig studio