ბიჭოლა ♥ ანუ ზომბილენდი – ზღაპარი ქართულ ელიტაზე. chapter II


იყო და არა იყო რა, კოკო შანელზე უკეთესი ვინ იქნებოდა, (ყოველ შემთხვევაში, იმ სფეროში რასაც ახლა შევეხებით) იყო პატარა ანზორი.
ამ ანზორს არაფერი ჰქონდა საერთო იმ “დიდ” ანზორთან, რომელსაც ყვავილები უყვარდა და ახლა ციხეში “ნადზორი” უყურებს (ხალხური “ფოლკლორიდან”: ”შენ ყვავილები გიყვარდა, ანზორი. ახლა ციხეში გიყურებს ნადზორი”).
თუმცა, შეიძლება ჩვენს პატარა ანზორს კიდევაც უყვარდა ყვავილები, რადგან მისი დახვეწილი სული იმთავითვე მიდრეკილი იყო მშვენიერების შექმნისკენ.
10-11 წლის იყო ჩვენი ანზორი, როდესაც მისი პირველი სამოსი საკუთარ თოჯინას მოარგო და ეს საქმიანობა მის ჰობიდ იქცა.
მახსოვს, ერთხელ ტელევიზორშიც გაიბრწყინა და ვიღაცამ დიდი მომავალიც უწინასწარმეტყველა.
გამოხდა ხანი, მას შემდეგ მრავალმა წელმა და კუწურიემ ჩაიცქვიტინა. ქართულმა მოდამ ნახა დაცემაც და აღზევებაც, თვით ზალიკო ბერგერიც კი ნახა!!! მაგრამ… იყო რაღაც რის გარეშეც პოდიუმს პეწი და სვეცკი ტუსოვკებს განსაკუთრებული ნათება აკლდა!

სიხარულისგან დავიწყებული მაქვს  ის პირველი დღე და წამი, პატარა თოჯინიანი ანზორიკოს ნაცვლად ყველგან, ტელეეკრანებზე, ჟურნალ-გაზეთებში, ყველგან სადაც თვალი გაგვექცეოდა ამბიციური, ექსტრავაგანტული და მყვირალა ბიჭოლა მოგვევლინა. საზოგადოება, მედია, მდიდარი, ღარიბი, სვეტი, გოიმი, საყოველთაო ორგაზმმა მოიცვა!!! ბიჭოლა კი რისი ბიჭოლა იყო, რომ  ჩვენთვის ეს სიამოვნება მოეკლო ❤

Continue reading

Advertisements

ჩასაფრებული ზებრა, უჩინარი ლეოპარდი – თრენდებში რომ არ დავიკარგოთ:)



როცა საუბარი ჩამოვარდება გრაციასა და ელეგანტურობაზე, დახვეწილ ადამიანებს აუცილებლად გაახსენდებათ ლეოპარდის, კოპლების და ზოლიანი ფრინთი, რომელიც ამ ბოლო დროს ასე აქტუალურია.
განვიხილოთ თითოეული მათგანი.
ფრინთი ზოლები: რამდენიმე წელია, ზებრამ მოდის ინდუსტრიაშიც გადმოინაცვლა. მართალია, ზებრები პოდიუმზე არ დასეირნობენ, თუმცა, მათი ესთეტიკა ახლობელი აღმოჩნდა მაგალითად რობერტო კავალისთვის და ჯან პოლ გოტიესთვის, რომელებმაც ამ უწყინარ ცხოველში შთაგონების უშრეტი წყარო აღმოაჩინეს. მათვე ჩამოაყალიბეს ზებრისებრი მატერიის და შეფერილობის გამოყენების ფუნდამენტური კანონები.
განვმარტავთ, რომ ზებრა ამ შემთხვევაში სიმბოლური მნიშვნელობით გამოიყენება, თუმცა „ქართველი გემოვნებიანი ადამიანებისთვის“ ზებრა ზედმეტად სწორხაზოვანი გაგება აღმოჩნდა და გადაწყვიტეს, ორფეხა ზებრებად ქცეულიყვნენ, რაც ასე ვთქვათ, მოდის ელემენტარული კანონების უგულებელყოფაა. იმისთვის, რომ ფრინთი ეფექტურად წარმოვაჩინოთ, უნდა გავითვალისწინოთ მარტივი წესი – ზოლიანი ფრინთი აუცილებლად ითხოვს სადა, ერთი ტონის აქსესუარებს, წინააღმდეგ შემთხვევაში, მინიმუმ ზოოპარკის დაცვა შეგიპყრობთ, მაქსიმუმ თქვენ შეუძლებელს შეძლებთ და ლედი გაგა უფრო გემოვნებით ჩაცმული გამოჩნდება თქვენთან შედარებით.
Continue reading

საბავშვო მოდა


როგორც მოგეხსენებათ, ბავშვებს მაინც თავისებური ხედვა აქვთ სილამაზეზე. ბავშვს კი არა, ზოგჯერ ზრდასრულ ადამიანს აცვია ისე, რომ ძალაუნებურად ფიქრობ, ალბათ ბავშვობაში ერთი ფუშფუშა კაბა არ ჰქონია და ახლა ინაზღაურებს.
არ შეიძლება ბავშვის შებოჭვა ტანსაცმლის არჩევაში, მაგრამ სასურველია, ნელ-ნელა, შეუმჩნევლად ვუბიძგოთ გააკეთოს სწორი არჩევანი. სახლში შეუძლია გული მოიოხოს და ეცვას მშობლისთვის წარმოუდგენელი შეხამების ტანისამოსი, ამით ის თავის პიროვნულ ამბიციას დაიკმაყოფილებს, ხოლო გარეთ გასვლისას შევაპარაოთ ჩვენი არჩევანი.
მშობელი ბავშვისთვის დიდი ავტორიტეტია, ამიტომ ეცადეთ თავად გამოიყურებოდეთ მოწოდების სიმაღლეზე; ეს მხოლოდ გარეგნობას არ ეხება. ეცადეთ, ერთად იაროთ კინოში, თეატრში, გამოფენებზე, კაფეებში… ბავშვს უნდა ჩამოუყალიბდეს საზოგადოების თავშეყრის ადგილებში მოქცევის კულტურა. ის, რომ თეატრში არ უყუროს სპექტალს ჩიპსების ხრაშუნის ფონზე, გამოფენაზე და მუზეუმში არ იხმაუროს.
ასეთი ქცევა შემდგომში ბავშვს პიროვნულად გაზრდის, ჩამოუყალიბებს გემოვნებას, რაც ჩაცმულობაშიც აისახება და გარშემომყოფებიც მადლობას გვეტყვიან, რომ მისი გარეგნობით არ ვაფრთხობთ პატიოსან მოქალაქეებს.
საბავშვო მოდა ძალიან მომგებიან საქმედ იქცა, ამიტომ ბევრმა დიზაინერმა არ დააყოვნა და სასწრაფოდ გამოუშვა საბავშვო კოლექციები- KENZO, BLUEMARINE, ARMANI, GUCCI, DIOR, LANVIN, DIESEL, D&G ect.

LANVIN

Continue reading